الشروط والأحكام

دي شروط استخدام موقع يافطة للحلول الرقمية وشروط الشغل معانا بشكل عام. تفاصيل كل مشروع (السعر، واللي هيتسلّم، والمواعيد) بتتكتب في اتفاق مكتوب بينّا وبينك، ولو فيه اختلاف، الاتفاق المكتوب هو اللي بيتطبّق.

الموقع والديمو

• المحتوى والتصميم والصور على الموقع ملك يافطة، وماينفعش يتنسخوا من غير إذن.
• المتجر وموقع السياحة التجريبيين للتجربة بس. الأوردرات والحجوزات فيهم مش بتتنفّذ، وماتكتبش فيهم بيانات حقيقية مهمة.

الأسعار

• الأسعار على الموقع بالجنيه المصري. والسعر النهائي لكل مشروع بيتكتب في الاتفاق قبل ما نبدأ.
• سعر باقة رَفّ شامل الدومين والاستضافة أول سنة. ولو عايز دومين مميز أو بامتداد مختلف، بتدفع الفرق بس، وبنقولك عليه قبل الحجز.
• تكلفة السنة التانية وبعدها بنتفق عليها ونكتبها في الاتفاق من أول يوم.

الدفع

نص المبلغ في الأول عشان نبدأ، والنص التاني عند التسليم.

التسليم

ميعاد التسليم بنتفق عليه في الاتفاق، وبيبدأ من يوم ما توصلنا كل الحاجات المطلوبة منك (زي اللوجو والمنتجات والصور).

الضمان

لمدة 30 يوم بعد التسليم، أي مشكلة في اللي اتفقنا عليه بنصلّحها ببلاش. الضمان مش بيشمل تعديلات أو حاجات جديدة مكانتش في الاتفاق.

الملكية

• الدومين، وحساباتك، وبيانات زباينك وأوردراتك ملكك انت. ولو حبيت تمشي، بنسلّمك بياناتك.
• الكود والسيستم اللي المتجر شغّال عليه ملك يافطة، وانت بتستخدمه طول ما الخدمة شغّالة. ولو محتاج ملكية الكود نفسه، ده بيبقى مشروع خاص بسعر مختلف.

المسؤولية

بنعمل كل اللي نقدر عليه عشان متجرك يفضل شغّال، بس مش مسؤولين عن مشاكل من خدمات برّه سيطرتنا، زي شركات الشحن أو انقطاع النت أو قرارات منصات تانية.

القانون

الشروط دي بتخضع للقانون المصري.