رَفّ · متاجر إلكترونية
متجر ولوحة تحكم بالعربي، معمولين للبيع بالكاش وللشحن في مصر. احنا بنجهّزه، وانت تستلمه يستقبل أوردرات.
المتجر بيعمل إيه؟
المتجر معمول للكاش من الأول، والزبون بيطلب من غير ما يدفع أونلاين.
انت اللي بتحدد سعر الشحن ومدته لكل محافظة، وتقفل أي محافظة مش بتوصّلها بضغطة. وتقدر تعمل شحن مجاني فوق مبلغ معيّن.
زرار في لوحة التحكم بيفتح واتساب برسالة جاهزة فيها اسم الزبون والمنتج والمقاس والعنوان والإجمالي.
لو رقم رفض الاستلام قبل كده، أوردره الجاي بيظهرلك عليه علامة، وانت تقرر قبل ما تشحن.
الزبون بيطلب في صفحة واحدة، ومصاريف الشحن بتظهر أول ما يختار محافظته.
الزبون يعرف أوردره فين برقم الأوردر، من غير ما يكلمك.
كل أوردر عارف هو فين: مستني تأكيد، متأكد، بيتجهز، اتشحن، اتسلّم. وتطبع الفاتورة وبوليصة التجهيز بضغطة.
اعمل كوبون في دقيقة، والسعر قبل وبعد الخصم باين على المنتج.
شكل المتجر يتغير للموسم بضغطة، ويرجع عادي بعدها.
الزبون يكلمك على واتساب من أي صفحة.
المتجر بالعربي والإنجليزي، وبيشتغل كويس على أي موبايل.
اربط إعلاناتك بالمتجر، واعرف الأوردر جه من أنهي إعلان.
من الآخر
باقات رَفّ
رَفّ
لأي بياع عايز متجر إلكتروني باسمه
يبدأ من 9,000 جنيه
شامل الدومين والاستضافة أول سنة
رَفّ بلس
للمتجر اللي بيكبر، ومعاه تطبيق موبايل باسمك
احجز مكانك
كلّمنا على واتساب عشان تعرف التفاصيل
رَفّ برو
للبراند اللي عنده فروع ومنتجات كتير
احجز مكانك
كلّمنا على واتساب عشان تعرف التفاصيل
اعمل الحسبة بنفسك
| اشتراك شهري | متجر من يافطة | |
|---|---|---|
| السعر | اشتراك كل شهر، وأحيانًا بالدولار | مرة واحدة بالجنيه المصري |
| مين بيجهّزه؟ | انت بتجهّز كل حاجة بنفسك | احنا بنجهّزه ونسلّمهولك شغّال |
| الكاش والشحن | مش دايمًا معمول للدفع عند الاستلام | معمول للكاش ولشحن الـ27 محافظة |
| لو وقفت في حاجة | إيميلات ورسايل بالإنجليزي | بتكلم حد مصري على واتساب |
أسعار الاشتراكات حسب صفحات الأسعار المعلنة للمنصات في مصر في أكتوبر 2026، وممكن تتغير.
طب أبدأ إزاي؟
اطلب منه كأنك زبون، وشوف بنفسك.
اسمك ولوجوك ومنتجاتك، واحنا نرتّب الباقي.
باسمك وألوانك، وجاهز يستقبل أوردرات.
من غير وعود فاضية
ادخل متجر حقيقي شغّال واطلب منه بنفسك، قبل ما تدفع ولا جنيه.
أي مشكلة في اللي اتفقنا عليه بعد التسليم، بنصلّحها ببلاش.
الدومين وحساباتك وبيانات زباينك ملكك انت. ولو حبيت تمشي، بياناتك بتمشي معاك.
تدفع النص عشان نبدأ، والنص التاني لما تستلم شغلك شغّال.
أسئلة بتتسأل كتير
باقة رَفّ بتبدأ من 9,000 جنيه، شامل الدومين والاستضافة أول سنة. وباقي الباقات بنحددها معاك على واتساب حسب اللي محتاجه.
آه. عندنا متجر تجريبي حقيقي شغّال، تدخله من موبايلك وتطلب منه كأنك زبون. ولو عايز تشوف لوحة التحكم من جوه، ابعتلنا على واتساب ونفتحهالك.
لأ. لو بتعرف تنزّل بوست على فيسبوك، تعرف تدير متجرك. لوحة التحكم بالعربي، ومنها تضيف منتجات وتغيّر أسعار وتتابع الأوردرات وتعدّل الشحن. ولو وقفت في حاجة، بتكلمنا على واتساب.
المتجر معمول للدفع عند الاستلام، وده اللي أغلب الزباين في مصر بيفضّلوه. ولو محتاج طريقة دفع تانية، كلّمنا ونشوف المناسب ليك.
نص المبلغ في الأول عشان نبدأ، والنص التاني لما تستلم متجرك شغّال.
آه. اسمك ولوجوك وألوانك، والدومين وبيانات زباينك ملكك انت.
بنتفق على الميعاد قبل ما نبدأ، وبيبدأ من يوم ما تبعتلنا اللوجو والمنتجات كاملة.