سياسة الخصوصية
آخر تحديث:
دي سياسة الخصوصية بتاعة موقع يافطة للحلول الرقمية (yaaftaa.com). كتبناها بكلام بسيط عشان تعرف بالظبط إيه اللي بيحصل في بياناتك.
إيه اللي بنجمعه؟
- الموقع مفيهوش فورم. مش بنطلب منك اسمك أو رقمك على الموقع نفسه.
- لما تكلّمنا على واتساب: بنشوف رقمك واسمك على واتساب والرسايل اللي بتبعتها، زي أي محادثة عادية.
- مصدر الزيارة: لو جيت من إعلان، ممكن رسالة واتساب الجاهزة تتكتب فيها كلمة صغيرة باسم الإعلان، عشان نعرف أنهي إعلان جابك. الكلمة دي بتبان قدامك في الرسالة قبل ما تبعتها، وتقدر تمسحها.
- إحصائيات الزيارات: ممكن نستخدم أدوات زي Google Analytics وMeta Pixel عشان نعرف عدد الزوار والصفحات اللي بتتشاف ونقيس إعلاناتنا. الأدوات دي بتستخدم كوكيز، ومش بتدّينا اسمك ولا رقمك.
بنستخدم البيانات في إيه؟
- نرد عليك ونكمّل معاك الشغل اللي طلبته.
- نحسّن الموقع والإعلانات بتاعتنا.
مش بنبيع بياناتك لحد، ومش بنبعتلك رسايل دعاية من غير ما تطلب.
مين تاني بيشوف البيانات؟
الخدمات اللي بنستخدمها بس: واتساب (Meta) للمحادثات، وجوجل وMeta لإحصائيات الزيارات والإعلانات، وخدمة الاستضافة اللي الموقع شغّال عليها. كل خدمة منهم ليها سياسة خصوصية خاصة بيها.
بيانات زباين متجرك
لو عملنالك متجر، بيانات زباينك وأوردراتك ملكك انت. احنا بنستخدمها بس عشان نشغّل المتجر وندعمك، ولو حبيت تمشي، بياناتك بتمشي معاك.
حقوقك
- تطلب تعرف إيه البيانات اللي عندنا عنك.
- تطلب نمسح محادثاتك وبياناتك اللي عندنا.
- تمنع الكوكيز من إعدادات المتصفح بتاعك في أي وقت.
تكلّمنا إزاي؟
ابعتلنا على واتساب، وهنرد عليك.
التعديلات
لو غيّرنا السياسة دي، هنحدّث التاريخ اللي فوق.